Azadə Hüseynova “İçərişəhər” Muzey Mərkəzinə direktor təyin olunub

Azadə Hüseynova “İçərişəhər” Dövlət Tarix-Memarlıq Qoruğu İdarəsinin Muzey Mərkəzinə direktor təyin olunub. 
1988-ci ildə Azərbaycan Xalça Muzeyində fəaliyyətə başlayan Azadə Hüseynova 1994-2005-ci illərdə İstiqlal Muzeyinin direktoru vəzifəsində işləyib.  
2005-ci ildən etibarən Mədəniyyət Nazirliyində Muzey işi və mədəniyyət sərvətlərinə nəzarət şöbəsinin müdiri olub. 
Məlumat üçün qeyd edək ki, Azadə Hüseynova 2016-cı ildə “Tərəqqi” medalı ilə təltif edilib.