"Vətən Bağı" Sosial Təşəbbüslər İctimai Birliyi
Biz bundan sonra da Azərbaycanda vətəndaş cəmiyyətinin
yaradılması ilə bağlı addımlar atacağıq!
Biz bundan sonra da Azərbaycanda vətəndaş cəmiyyətinin
yaradılması ilə bağlı addımlar atacağıq!
“Vetenbagi.az” Nuhçıxan.az- istinadən xəbər verir ki, Naxçıvan televiziyasının sabiq əməkdaşı, jurnalist, yazıçı, dramaturq, publisist, filoloq Bayram İsgəndərli 82 yaşında vəfat edib.
Qeyd edək ki, jurnalist, yazıçı, dramaturq, publisist Bayram Məmməd oğlu İsgəndərli (İsgəndərov Bayram Məmməd oğlu) 17 iyul 1943-cü ildə Naxçıvan şəhərində anadan olub.
Naxçıvan şəhərində Üzeyir Hacıbəyov adına 1 saylı orta məktəbi bitirib. Azərbaycan Dövlət Universitetinin filologiya fakültəsinin məzunudur. Bayram İsgəndərli 1999-cu ildən Azərbaycan Yazıçılar Birliyinin üzvüdür. O, həm də Azərbaycan
Jurnalistlər Birliyinin üzvüdür.
1971-1973-cü illərdə Naxçıvan MR Dövlət Teleradio Verilişləri Komitəsinin radio redaksiyasında redaktor, şöbə müdiri olub. Bayram İsgəndərli daha sonra Naxçıvan MR Nazirlər Sovetində təlimatçı, Mətbuatda Dövlət sirlərini mühafizə edən Baş İdarənin müvəkkili, Naxçıvan MR Teleradio Komitəsində baş redaktor, Naxçıvan
Özəl Universitetində müəllim, “Lider Media Holdinq” MMC-in “Dublyaj” redaksiyasında redaktor kimi fəaliyyətini davam etdirib.
Allah rəhmət eləsin!