Narkotikin gətirdiyi dəri problemləri - Məhbubə Mehdiyeva səbəbləri göstərir

Narkotik istifadəçisilərində rast gəlinir. 

- İrinli yaralar ( bəzən cəsəd qoxusu)

- Qızartı, ağrı, şişlik

- Göyərmiş və qara qabıqlı dəri ( ele bil kimsə tərəfindən döyülüb)

- Qaşınmış və soyulmuş hissələr ( dəniz kənarında yananda soyulan dəri kimi)

- Dəridə tünd ləkələr və ya ağarmış sahələr
-
Əgər  insan narkotik maddələrdən istifadə edirsə, bu təkcə beyninə və bədəninə yox, dərisinə də zərər verir. Dəridə yaralar, izlər, qaşınma və irinli qabarcıqlar əmələ gəlir. Bəzən bu yaralar sağalmır, hətta bəzən ayaq və ya qolun kəsilməsinə (amputasiyaya) səbəb olur.

Dəriyə Zərər Haradan Gəlir?

1. İynə vurmaq:
Narkotik istifadə edənlər çox vaxt iynədən istifadə edirlər. Amma eyni iynəni təkrar-təkrar vuranda və ya başqasının iynəsindən istifadə edəndə dəridə irinli yaralar, qızartılar, göyərmələr və izlər qalır.

2. Davamlı qaşınma:
Bəzi narkotiklər insanın dərisində elə bir hiss yaradır ki, sanki dərisinin altında nəsə gəzir. İnsan özünü qaşımağa başlayır və nəticədə dərisi cırılır, qanayır, yara açılır.

3. Zəhərli qarışıqlar:
Bəzən narkotik maddələrin içinə “xilazin” kimi ucuz, heyvan dərmanı qatırlar. Bu qarışım dəridə çox dərin və qaralmış yaralar yaradır. Hətta bu yaralar bəzən çürüyür və həkim o yeri kəsməli olur.

4. Bədənin müqaviməti azalır:
Narkotikdən uzun müddət istifadə edən adamın immuniteti (yəni bədəninin özünü qoruma gücü) azalır. Bədən mikroblara qarşı mübarizə apara bilmir və kiçik yaralar da böyüyüb ciddi problemə çevrilir